طريقة عمل الكشرى

الكمية تكفي: 3 اشخاص
وقت التحضير: 30 دقيقة
وقت الطهي: 45 دقيقة
المقادير: - ارز
- عدس بجبة
- مكرونة
- عصير طماطم
- بصل
- توم
- توابل الطبخ:
- و بصله كبيرة متقطعة ودي اول حاجة لازم نجهزها في الكشري

- و البصله بعد ما حطينا عليها شوية دقيق وقلبناهم فيها

- ودي بقي البصلة وهي بتتحمر في الزيت بس خلي الزيت كتير شويه لاننا هنستخدمه في حاجات كتي البصلة بعد التحمير
هنسلق العدس في ميه بملح

- وبعدين نصفيه ونحتفظ بالميه بتاعته

- هنسوي الرز في الميه بتاعت العدس بس مش هنضيف ملح لان الميه مالحة اصلا وهنضيف شوية زيت من بتاع تحمير البصل

- دلوقتي نسلق المكرونة بعد السلق نصفيها ونقلبها مع شوية زيت من بتاع البصل برضه مش كتير يعني حبة حلوين كده

- وبعدين نعصر الطماطم ونسيبها تتسبك علي النار مع شوية زيت حوالي معلقتين كبار لمدة ربع ساعة علي نار هادية واضافة شطه

- واثناء ده حنحمر التوم في الزيت بتاع البصله الاولي فاكرنها ولازم تتحمر علي نار هادية لحد ما تحمر شوية وده بقي السررررررررررررررررررررررررر

- وبعدين نحط التوابل علي الصلصة بعد ما اتسبكت وهي ورق لورو وكمون وفلفل وملح وكزبرة ناشفة و وطبعا الشطةوبعدين نطش التومه عليهم

- واخيرا بالهنا والشفااااااااااااااااااااااااااااااااااااااااااا-